जिल्ला
कारागार तेह्रथुममा रहेका १ महिला सहित ५३ जना कैदीबन्दीले
आफ्नो मताधिकार प्रयोग गरेका छन। निर्वाचन आयोगको
व्यवस्था अनुसार कारागार परिसरमै अस्थायी मतदान केन्द्र स्थापना गरी उनीहरूलाई
मतदानको व्यवस्था मिलाइएको हो।
मुख्य निर्वाचन अधिकृतको कार्यालय तेह्रथुमका अनुसार कारागारमा रहेका कैदीबन्दीलाई
आवश्यक सुरक्षा व्यवस्था मिलाएर शान्तिपूर्ण र व्यवस्थित रूपमा मतदान गराइएको
जनाएको छ। मतदानका क्रममा कुनै अप्रिय घटना नभएको र प्रक्रिया शान्तिपूर्ण रूपमा
सम्पन्न भएको कार्यालयले जनाएको छ।
